Dad ku dhintay duqeyn ka dhacday gobolka Tigray

Shaqaalaha gargaarka ah ee ka howlgala waqooyiga Itoobiya ayaa sheegay in dad badan ay ku dhinteen duqeyn cirka ah oo lagu qaaday xero ay ku noolaayeen dad barakacayaal ah oo ku taalla gobolka waqooyiga ku yaalla ee Tigray.

Ma jiro war madax banaan oo xaqiijinaya weerarka lagu qaaday iskuul ku yaala degmada Dedebit balse sawirro la soo dhigay baraha bulshada ayaa muujinaya qaar ka mid ah dadkii ku dhaawacmay weerarka oo lagu daweynayo isbitaal.