Dowladda Soomaaliya oo balan qaad horleh ka heshay Imaaraadka Carabta

Ergeyga gaarka ah ee Madaxweynaha  Soomaaliya u qaabilsan arrimaha Gurmadka Abaaraha Xildhibaan  Cabdiraxmaan Cabdishakuur Warsame ayaa kulan la yeeshay Safiirka Dowladda Imaaraadka Carabta ee Soomaaliya, Amb. Mohammed Ahmed Othman Al Hammadi.

Danjire Mohammed Ahmed Othman Al Hammadi, waxuu muujiyay sida ay dowladdiisa uga go’an tahay garab istaagga dowladda iyo shacabka Soomaaliyeed, isaga oo intaas kaddib Ergeyga u ballan qaaday wada shaqeyn buuxda, si loo samatabixiyo malaayiinta qof ee abaaruhu saameeyeen.

Ugu dambayn, Ergeyga ayaa uga mahadceliyay Safiirka iyo Dowladda Imaaraadka Carabta taageerada ay u muujiyeen shacabka Soomaaliyeed ee ay halakeeyeen abaaraha, gaar ahaan deeqdii lacageed ee maalmo kahor ay ku wareejiyeen Dowladda Federaalka.

Maalmihii la soo dhaafay ayaa Ergeyga gaarka ah ee Madaxweynaha  Soomaaliya u qaabilsan arrimaha Gurmadka Abaaraha Xildhibaan  Cabdiraxmaan Cabdishakuur Warsame waxaa uu si kala gooni gooni ah ula kulmayay Wakiilada Beesha Caalamka, isaga oo kala hadlayay sida loou gurman karo dadka ay saameeysay abaarta.