Wariyeyaal lagu dhaawacay Ukraine

Labo wariye oo ka tirsan wakaaladda wararka ee Reuters ayaa ku dhaawacmay, darawalna waa la dilay ka dib markii gaarigii ay saarnaayeen la rasaaseeyay xilli uu ku sii jeeday Severodonetsk ee dalka Ukraine.

 

Sawir qaade Alexander Ermochenko iyo sawir qaade Pavel Klimov ayaa Jimcihii ku safrayay baabuur ay siiyeen ciidamada Ruushka ee taageeraya qeybta uu Ruushku haysto ee jidka u dhexeeya Severodonetsk iyo magaalada Rubizhne.

 

Waxaa loo qaaday isbitaal ku yaal Rubizhne halkaas oo lagu daweeyay bilowga hore, Ermochenko dhaawac yar oo firir ah iyo Klimov oo ka jabay gacanta.

 

Wakaaladda wararka ee Reuters ayaa sheegtay in aysan si degdeg ah u xaqiijin karin aqoonsiga darawalka oo kooxda gooni u goosadka ah ay u xilsaareen safarka warbixinta.