Magaalada Baydhabo ee Xarunta Gobolka Baay waxaa Maanta la filayaa inay kulan ku yeeshaan Xildhibaannada Cusub ee Baarlamaanka labaad ee Koonfur Galbeed,iyada oo ay hortagayaan musharixiinta u taagan qabashada xilka guddoonka Baarlamaanka.
Musharixiinta oo gaaraya Shan ayaa u taagan qabashada guddoomiyaha Baarlamaanka koonfur Galbeed iyo labadiisa kuxigeen,waxaana la filayaa in Maanta ay jeedinayaan khudbadahooda musharaxnimo si uu u soo bandhigo qof walba waxa uu qaban doono hadii uu guuleysto.
Musharixiinta Maanta Khudbadahooda jeedinaya ayaa waxaa ay magacyadooda kala yihiin.
1:Â Xildhibaan Cali Saciid Fiqi u tartamida Guddoomiyaha Baarlamaanka
2:Â Xildhibaan Maxamed cabdiraxmaan Nuur u tartamida Guddoomiyaha Baarlamaanka.
1:Â Xildhibaan Aamina Isaaq Maxamed u tartamida guddoomiye kuxigeenka 1aad ee Baarlamaanka Koonfur Galbeed
2:Â Xildhibaan Maxamed Nuur Maxamed u tartamida guddoomiye kuxigeenka 1aad ee Baarlamaanka Koonfur Galbeed.
1:Â Xildhibaan Shamso Maxamed Yaroow u tartamida guddoomiye kuxigeenka 2aad ee Baarlamaanka Koonfur Galbeed.
Maalinta Berito ah oo ku beegan 1-da Bisha Apriil ayaa la filayaa in ay Magaalada Baydhabo ka dhacdo doorashada Guddoomiyaha Baarlamaanka koonfur Galbeed iyo labadiisa kuxigeen.