Dowladda Kenya ayaa ciidamo dheeraad ah gaysay gobolka xeebta ee Lamu si ay uga hortagaan weerarro ka imaan kara dhinaca ‘AS’ oo dhowr jeer weerarro kala duwan ka gaystay Gobolkaas isla markaana uu ka dhashay dhimasho iyo dhaawac.
Ciidamadaan ayaa roondo ka billaabay deegaannada ay u arkaan in ay ‘AS’ Kasoo weerar tagi karaan si ay u beegsadeen saldhigyada iyo goobaha ay isugu tagayaan Dadka maamuusaya Ciidda Masiixiga ee 25ka Deseembar.
Meelaha sidoo kale ciidamadaan lagu arkayo waxaa kamid ah Magaalada Nairobi ee caasimadda Dalka Kenya oo ay ku sugan yihiin Ajaanib badan oo qaarkood muddooyinkii dambe tagayay Magaaladaas si ay waqti ugu qaataan.
Goobaha qaar oo Dadka Masiixiyiinta ah isugu tagayaan ayaa la adkeeyay dhaqdhaqaaqa Dadka waayo waxaa suuragal ah in lagu soo hoos gambado kaddibna la fuliyo weerarrada cabsida laga muujinayo in ay ka dhici karaan Kenya.