Wararka ka imaanaya Gobolka Galgaduud Dowlad-Goboleedka Galmudug ayaa kusoo warramaya in dagaal u dhaxeeya Ciidamada Deegaanka loo yaqaan Macawiisleyda iyo ‘AS’ uu ka dhacay deegaanka Cali Helle Degmada Galcad.
Xubin u hadlay Dadka Deegaanka ee Macawiisleyda loo yaqaan ayaa sheegay in ay dileen labo xubnood oo katirsan ‘AS’ kana qaateen qoryihii ay wateen oo ahaa AK 47 sida hadalka loo dhigay, waxaana socda howlgallo oo ay wadaan ciidamadaas.
Dagaalka ayaa yimid kaddib markii Ciidanka Macawiisleyda oo hayay xog la xiriirta dhaqdhaqaaqa xubnahaas katirsan ‘AS’ oo isaga kala gudbayay Magaalooyin katirsan Gobolka Galgaduud Dowlad-Goboleedka Galmudug.
Macawiisleydu ma sheegin dhankooda waxyeellada kasoo gaartay dagaalkaan iyo howlgalka is barbar socday, Dadka deegaanka ayaa kusoo warramay in dagaalku oo muddo kooban socday uu joogsaday markii dambe inkasta oo aanay heyn xog intaas ka baxsan.