Geesiyaasha Ciidanka Xoogga Dalka oo kaashanaya dadka deegaanka ayaa si wadajir ah u fuliyeen howlgal lagu naafeeyay Khawaarijta.
Howlgalka qorsheysan ayaa laga sameeyay galbeedka magaalada Xarardheere gobolka Mudug.
Goobaha sida gaarka ah looga fuliyay howlgalka waxaa ka mid ah wadada isku xirta deegaannada jowle Wadaariq, Baraag oo hoostaga degmada Xarardheere.
Taliye ku xigeenka guutada 17aad kumaandooska Gorgor ee Ciidanka Xoogga Dalka Gaashaanle Cali Cageey oo howlgalka hoggaaminayay ayaa sheegay in la burburiyay dhammaan goobihii ay Khawaarijtu ku dhuumaaleysan jireen.
