Shirweynaha 7-aad ee Xeer Ilaaliyeyaasha Soomaaliyeed ayaa lagu wadaa inuu qabsoomo 5-6 Febraayo 2025. Shirkan waxaa ka soo qeyb geli doona madax sare oo ka tirsan dowladda Federaalka Soomaaliya, xeer ilaaliyeyaasha heer federaal iyo heer dowlad goboleed, iyo wakiillo ka socda hay’adaha amniga. Diiradda shirkan ayaa lagu saari doonaa la dagaallanka maalgelinta iyo ilaha dhaqaale ee argagixisada.
Inta lagu guda jiro shirweynaha, waxaa la filayaa in la qabto doodo iyo cilmi baarisyo muhiim ah oo ku saabsan:
- Xoojinta shuruucda la xiriira la dagaallanka maalgelinta argagixisada.
- Iskaashiga hay’adaha amniga ee heer federaal iyo dowlad goboleed.
- Ciribtirka ilaha dhaqaale ee taageera kooxaha argagixisada.
Shirkan ayaa la filayaa inuu soo saaro go’aanno wax ku ool ah oo qeyb ka ah dadaallada dowladda ee lagu xaqiijinayo amniga iyo xasilloonida dalka.
Wixii faahfaahin dheeraad ah ee ku saabsan shirweynaha, waxaad ka heli kartaa bogga rasmiga ah ee Xafiiska Xeer Ilaaliyaha Guud ee Qaranka Soomaaliya
