​Wararka ka imaanaya magaalada Baydhabo ee gobolka Baay ayaa sheegaya in xubno ka tirsanaa kooxda Khawaarijta ay isku soo dhiibeen ciidamada ammaanka ee halkaas ka howlgala. Xubnahan ayaa sheegay inay hore uga tirsanaayeen kooxda Khawaarijta, iyagoo ka soo qeyb qaatay dagaallo ka dhacay gobollada Baay, Bakool iyo Jubbada Dhexe. Waxay sheegeen inay u adkeysan waayeen dhibaatooyinka ay la kulmayaan iyo baacsiga ay kala kulmayaan ciidamada qaranka, taasoo ku qasabtay inay ka soo baxaan fikirkii guracnaa ee Khawaarijta. Sidoo kale, wararka ayaa sheegaya in xubnahan ay ugu baaqeen saaxiibadoodii kale ee weli ka tirsan Khawaarijta inay ka soo baxaan fikirka gurracan ee kooxdaas, iskuna soo dhiibaan dowladda si ay uga faa’iideystaan cafiska loo fidinayo. ​
Isu soo dhiibitaanka xubnahan ayaa qeyb ka ah tirada sii kordheysa ee xubnaha ka soo goosanaya kooxda Khawaarijta, taasoo muujineysa in dadaallada dowladda iyo ciidamada ammaanka ay guulo ka gaarayaan la dagaallanka argagixisada.
