Dowlad-Goboleedka Puntland ayaa shaacisay in duqeyn ay fuliyeen diyaaradaha aan duuliyaha lahayn ee Maraykanku leeyahay, oo ka dhacday buuraleyda Gobolka Bari, lagu dilay shan xubnood oo katirsanaa kooxda Daacish.
Mas’uuliyiin ka tirsan Puntland ayaa tilmaamay in dadka la beegsaday ay ku jireen dagaalyahanno Soomaali ah iyo kuwo ajaanib ah. Sidoo kale, waxay xuseen in tirada dhaawaca ay ka badan karto inta hadda la og yahay.
Puntland ayaa sheegtay in duqeymaha cirka ee uu Maraykanku fulinayo ay si weyn uga caawiyeen howlgallada dhulka ee lagu bartilmaameedsanayo Daacish, iyadoo ciidanka Puntland ay kusii siqayaan deegaanno hor leh oo ay kooxdaasi ku sugnaayeen.