Taliska Ciidanka Booliiska Gaarka ah ee Dowladda Koonfur Galbeed Soomaaliya (DKGS) ayaa maanta si rasmi ah u soo saaray digniin ku saabsan in aan la daweyn karin dhaawacyada xubnaha mucaaradka ah ee lagu soo qabtay howlgalada amniga.
War-saxaafadeed ka soo baxay taliska ayaa ku adkeeyay in tallaabadaasi ay qayb ka tahay xeerarka gudaha ee ciidamada iyo ilaalinta amniga guud, iyadoo la sheegay in wax kasta oo lagu sameeyo dhaawacyada mucaaradka ay tahay in ay raacaan nidaamka ciidamada iyo amarada mas’uuliyiinta.
Taliska ayaa sidoo kale tilmaamay in tani aysan ka dhignayn in la iska indhatiro xaaladaha caafimaad ee degdegga ah ee bulshada rayidka ah, balse ay muhiim tahay in loo hoggaansamo nidaamka ciidamada marka ay timaado dadka ka qeyb qaata ficillada ka soo horjeeda dowladda.
Mas’uuliyiinta taliska ayaa ku booriyay dhammaan hay’adaha caafimaadka iyo rugaha caafimaadka in ay ka feejignaadaan daaweynta qof kasta oo dhaawac ka gaaray ficillada mucaaradka, iyagoo ku tilmaamay in tallaabadaasi ay ka hortagto khaladaadka amni iyo khilaafaadka sharciga.
Digniinta Taliska ayaa sidoo kale ku baaqday in ciidamada iyo hay’adaha kale ee ammaanka ay si dhow uga wada shaqeeyaan sidii loo xakameyn lahaa xaaladaha keeni kara dhaawacyo iyo khataro caafimaad, loona hubiyo in wax kasta oo dhaca ay waafaqsan yihiin xeerarka dalka.