Wararka ka imaanaya deegaano hoos yimaada Degmada Xudur ee Gobolka Bakool ayaa waxa ay sheegayan In halkaasi uu iska horimaad uu ku dhexmaray Ciidanka dowlada Soomaaliya kuwa maamulka Koonfur Galbeed iyo rag hubeysan oo loo maleynaayo in ay ka tirsan yihiin Al Shabaab.
Dagaalamayaal ka tirsan Al Shabaab ayaa waxaa la sheegay in ay wadada u galeen Kolonyo Ciidan oo ay la socdeen Ciidanka dowlada Soomaaliya kuwa maamulka Koonfur Galbeed oo socdaal ku marayay  deegaano ka tirsan Degmada Xudur ee Gobolka Bakaaol .
Mas’uuliyiin ka tirsan maamulka Koonfur Galbeed oo la hadlay Dalsan ayaa waxa ay sheegay in ay iska caabiyeen ragii weerarka ku qaaday oo loo maleynaayo in ay ka tirsan yihiin Al Shabaab,waxaana uu sheegay in weerarkaas uusan wax Khasaaro ah ka soo gaarin Ciidanka dowlada iyo kuwa Koonfur Galbeed.