Madaxweynaha Dowlad Goboleedka Jubbaland Axmed Maxamed Islaam (Axmed Madoobe) ayaa ku tilmaamay doorashadii lagu doortay Cabdicasiis Xasan Maxamed Laftagareen mid caddaalad ah oo hufan, isaga oo si gaar ah u bogaadiyay habsami u socodka geeddi-socodka doorashada iyo sida ay u dhacday.
Axmed Madoobe ayaa sidoo kale xusay in nidaamka doorashada uu muujinayo horumar la taaban karo oo dhinaca dimuqraadiyadda ah, isla markaana uu tusaale u noqon karo dowlad-goboleedyada kale ee dalka. Wuxuu ku dhiirrigeliyay dhinacyada siyaasadda inay sii xoojiyaan wada shaqeynta iyo xasilloonida, si loo gaaro hannaan doorasho oo mideeya shacabka Soomaaliyeed.
Ugu dambeyn, wuxuu hambalyo u diray Madaxweyne Laftagareen, isaga oo u rajeeyay in uu ku guuleysto hoggaaminta cusub ee loo igmaday, isla markaana uu sii ambaqaado dadaallada horumarineed ee Koonfur Galbeed Soomaaliya.