Booliiska Gobolka Banaadir ayaa xiray laba qof oo lagu eedeeyay jirdil iyo dhaawac loo geystay gabar yar oo 13 jir ah, laguna magacaabo Caasho Cali, taasoo la sheegay inay ku noolayd guriga eedeysanayaasha.
Labada eedeysane oo kala ah Xasan Cabdikariin iyo Shukri Cali ayaa lagu soo oogay inay si ula kac ah u jirdileen gabadha, taasoo keentay dhaawacyo muuqda. Booliiska ayaa sheegay in labada eedeysane la horgeyn doono maxkamad si loogu qaado tallaabo sharci ah.
War-saxaafadeedka Booliiska ayaa sidoo kale xusay in kiiskan uu kamid yahay falalka lagu beegsado carruurta, kuwaasoo marar badan horey maxkamaduhu u qaadeen. Bulshada ayaa si weyn uga falcelisay arrintan, iyadoo loo baahan yahay in si adag loola tacaalo xadgudubyada noocan oo kale ah.
Waxaa sare u kacaya baaqyada loo jeedinayo Dowladda Federaalka si loo adkeeyo sharciyada ka hortagga xadgudubyada lagu hayo carruurta.