Wararka naga soo gaaray gobolka Galgaduud ayaa sheegaya in maanta ciidamada dowladda iyo kuwa Macawiisleyda ay howlgal culus ka fuliyeen agagaarka degmad Ceeldheer, kaas oo khasaare lagu gaarsiiyay Al-Shabaab.
Ciidamada huwanta ayaa weerar ku qaaay Cali-cadhoole oo u dhow degmada Ceeldheer, halkaas oo ay ku sugnaayeen maleeshiyaad ka tirsan kooxda Al-Shabaab, iyaga qaarkood dilay, kana soo furtay hub, sida lagu sheegay qoraal kasoo baxay taliska Xoogga.
Warsaxaafadeedka ayaa lagu sheegay in weerarkan lagu dilay 7 xubnood, isla markaana laga soo furtay hubkii ay wateen maleeshiyaadka lagu khaarijiyay howlgalka.
Ciidamada ayaa weli sii wada howlgalkooda, waxaana haatan xaaladdu ay tahay mid aad u kacsan, sida ay sheegeen dadka deegaanka.
Galgaduud ayaa waxaa weli ka socda howlgallo ka dhan ah maleeshiyada Al-Shabaab, kuwaas oo iyaguna weeraro ka fuliya gobolkaasi.