- Sida ay sheegayaan Wararka naga soo gaaraya degaanka Fiidow oo ku yaalla Xadka gobolada Shabeellaha dhexe iyo Hiiraan Ciidamo ka tirsan AMISOM oo isugu jira Burundi iyo Jabuutiyaan oo ay wehliyaan ciidan ka tirsan Xoogga dalka ayaa degaankaasi kala wareegay Al-Shabaab.
Degaanka Fiidow ayaa 50KM u jira Magaalada Jowhar ee Caasimadda maamulka Hirshabeelle, waxaana la sheegay in ciidankaan ay kasoo ruqaansadeen dhanka gobolka Hiiraan.
Ciidanka xoogga ayaa sidoo kale la wareegay degaanada kala ah Dhiin Garas, Fiidow, Maquudaale, Killiga Shiinaha iyo tuulooyin kale.
Howlgalkan ayaa qorshihiisa yahay sidii la isugu furi lahaa wadada isku xirta Jowhar iyo Buulo Burde.
Maamulka Hirshabeelle ayaa dhawaan ku dhawaaqay in la furi doono Wadooyinka ay go’doomiyeen Al-Shabaab ee ku yaalla gobolka Hiiraan.