Ciidamada Amniga Soomaaliya ayaa howlgal ballaaran kawada Degmada Hobyo ee gobolka Mudug oo uu maalmahanba joogay Madaxweynaha Galmudug Axme Cabdi Kaariye (QoorQoor).
Ciidamadan oo isugu jira Xoogga Dalka Qaybta 21-aad , Kuwa Booliiska gaarka ah ee Haramcad oo ay wehliyaan Ciidmaada Booliiska Hobyo ayaa wada howlgalkan oo lagu baarayo Gaadiidka Dadwaynaha , Guriyaha laga shakiyo iyo goobo bartilmaameed u ah howlgalkan , Saraakiisha Amniga ayaa sheegaya in ay jiraan tuhuno amni oo muujinaya Qorshayaal Al-Shabaab Ku doonayaan Fulinta weeraro qaraxyo ah oo ay ka fuliyaan Galmudug.
Howlgalkan ayaa kusoo beegmaya Xili Ciidamada Qaybta 21-aad ay Aroornimadii saakay la sheegay inay ka hortageen weeraro ismiidaamin ah oo lagu qaadey Xerada Bacaadweyne oo ka tirsan Degmada Hobyo , sidoo kalena ciidamadu Howlgal qorsheysan oo Gaalkacyo ka dhacey ku qabteen Gaari waxyaabaha qarxa lagu soo rarey iyo shaqsigii wadaha ka ahaa.