Koox hubeysan ayaa weerar ku qaaday gaari ay lahayd Dowladda Hoose ee Mandheera, iyagoo la afduubtay gaarigaasi, hase yeeshee darawalkii ayaa ka badbaaday waxyeello. Lama oga halka ay kooxdu la aaday gaariga.
Taliyaha Booliiska Mandheera, Xuseen Cabdullaahi, ayaa warbaahinta u xaqiijiyay dhacdadan, isagoo sheegay in ciidamada ammaanka ay ku daba jiraan sidii loosoo celin lahaa gaariga, isla markaana loosoo qaban lahaa kooxdii falka ka dambeysay.
Laamaha ammaanka Kenya ee heer federaal ayaa arrintaan ku soo farageliyay, waxaana howlgallo ka socda xadka Soomaaliya looga hortagayaa in gaariga la geeyo dhanka Soomaaliya.
Ismaamulka Mandheera weli faahfaahin dheeraad ah kama bixin cidda falka ka dambeysay iyo halka gaariga la geeyay, taas oo weli su’aalo badan ka dhalisay gudaha deegaanka.
