Guddoomiyaha Golaha Shacabka ee Baarlamaanka Federaalka Soomaaliya, Sheekh Aadan Maxamed Nuur (Madoobe), ayaa maanta xafiiskiisa ku qaabilay wafdi sare oo uu hoggaaminaysay Safiirka Midowga Yurub u qaabilsan Soomaaliya, Ms. Francesca Di Mauro.
Kulanka ayaa lagu lafaguray xoojinta iskaashiga u dhexeeya Golaha Shacabka iyo Midowga Yurub, gaar ahaan dhinacyada horumarinta sharciyada muhiimka u ah dalka, dhameystirka Dastuurka KMG ah iyo dhismaha hay’adaha dimuqraadiga ah.
Guddoomiye Sheekh Aadan Madoobe ayaa Midowga Yurub uga mahadceliyay taageerada ay siiyaan Soomaaliya, isaga oo xusay in Golaha Shacabka uu dadaal xooggan ku bixinayo dhammeystirka dastuurka si shacabka Soomaaliyeed fursad ugu helaan doorashooyin toos ah.
Labada dhinac ayaa sidoo kale isku raacay in la xoojiyo wada shaqeynta, isla markaana la dardar geliyo howlaha sharci dejinta ee muhiimka ah si loo xoojiyo dowladnimada iyo dimuqraadiyadda Soomaaliya.