Guddiga Ololaha ee Musharraxa Madaxweynaha Galmudug, Mahad Maxamed Salaad, ee Degmada Guriceel ayaa shalay kulan qado muhiim ah la yeeshay dhalinyarada beesha Caalin ee Cayr.
Kulanka, oo ujeedadiisu ahayd taageerida iyo garab istaagga Musharrax Mahad Maxamed Salaad, waxaa ka soo qeybgalay inta badan dhalinyarada iyo ganacsatada beesha Caalin Cayr.
Intii lagu guda jiray shirka, waxaa diiradda lagu saaray muhiimadda doorashada, iyo baahida loo qabo isbeddel dhab ah oo Galmudug lagu gaarsiiyo nabad, horumar, iyo midnimo, taasoo u suurtagelin karta inay la tartanto gobollada kale.
Gebagebadii, waxaa si gaar ah loo xusay in Mahad Maxamed Salaad yahay shaqsiga ay maanta Galmudug u baahan tahay, waxaana lagu heshiiyey in la taageero si uu hoggaanka Galmudug ugu qabto.
