Dowlad-Goboleedka Jubbaland ayaa sheegtay in howlgal ka dhacay Waqooyiga Gobolka Jubada Hoose in lagu dilay nin magaciisa magaciisa lagu soo koobay Goobe oo ‘AS’ u qaabilsanaa dhinaca Miinooyinka sida hadalka loo dhigay.
Howlgal ay iska kaashadeen Ciidamo isugu jiray Nabadsugidda Dowlad-Goboleedkaas iyo kuwa Daraawiishta kana dhacay howdka Waqooyiga Gobolka Jubada Hoose ayaa lagu dilay xubintaas la sheegay in uu katirsanaa ‘AS’
Saraakiil katirsan Daraawiishta Dowlad-Goboleedka Jubbaland iyo Nabadsugidda ayaa sheegay in kahor fulinta howlgalkooda ay heleen xog la xiriirta in uu Goobe iyo xubno la socday ay ku sugnaayeen goobta la beegsaday.
Muddooyinkii u dambeeyay Gobolka Jubada Hoose Dowlad-Goboleedka Jubbaland waxaa ka socday howlgallo ka dhan ah ‘AS’ waxaana barbar socday dagaallo toos ah oo meelaha qaar ku dhexmaray ciidamada iskaashanay iyo Shabaab.