Wasiirka Wasaaradda Deegaanka iyo Isbeddelka Cimilada JFS, Amb. Khadija Mohamed Almakhzoumi, ayaa ka qeybgashay kulan heer sare ah oo lagu qabtay madasha #COP29, kaasoo looga hadlay iskaashiga caalamiga ah iyo midka gobolka ee la xiriira Socdaalka Cimilada ( High-Level Session on International & Regional Cooperation for Climate Mobility ). Shirka waxaa xoogga lagu saaray sidii loo xoojin lahaa iskaashiga si loo wajaho saameynta ba’an ee cimilada oo si gaar ah u saameynaya dalalka u nugul sida Soomaaliya.
Kulankan heerka sare ayaa muhiimad weyn siinaya sidii loo dhisi lahaa hannaan cusub oo loogu talogalay dadka ay cimiladu saameysay, si ay ugu dhaqaaqaan nabadleh, iyada oo Soomaaliya ay u ololeyneyso in la sameeyo heshiis caalami ah oo kor u qaada daryeelka iyo xuquuqda dadkaas.
Wasiirka ayaa ugu baaqday beesha caalamka inay si wadajir ah uga shaqeeyaan arrintan, si loo helo xal waara oo mustaqbalka dhow iyo kan fogba wax looga qabto saameynta isbeddelka cimilada.
+2
All reactions:
12