Falkan ayaa ka dhacay bishii July 2025 deegaanka Dhagaxbuur, oo ku dhow magaalada Guriceel ee gobolka Galgaduud.
Xukunka ayaa waxaa horey u riday Maxkamadda Sare ee Galmudug, kadib markii la soo gabagabeeyay baaritaanno ballaaran iyo dhageysiyo rasmi ah oo la xiriiray kiiska dilka. Maxkamaddu waxay ku caddeysay eedeysanaha dambiga dil ula kac ah, iyadoo go’aamisay in lagu fuliyo xukunka dilka, sida uu qabo Xeerka Ciqaabta Soomaaliyeed.
Goobta lagu fuliyay xukunka waxaa ku sugnaa goobjoogayaal ka socday hay’adaha garsoorka, ciidamada ammaanka, culimada iyo qoysaska labada dhinac, si loo xaqiijiyo hufnaanta iyo sharciyadda howlgalka.
Sarkaal ka tirsan Xeer Ilaalinta Galmudug oo la hadlay warbaahinta ayaa sheegay in xukunka la fuliyay uu fariin adag u yahay cid kasta oo damacsan inay ku kacdo falal dil ah, isagoo xusay in maamulka Galmudug u taagan yahay xaqiijinta caddaaladda iyo amniga bulshada.