Wasaaradda Arrimaha dibada Mareykanka ayaa bayaan ay soo saartay ku sheegtay in wax kabadal ay ku sameeysay qaanadii ay ku jirtay Xarakada Al Shabaab oo Soomaalia ku matasha Ururka Al qaacida,iyadoo balaarisay ayay Kooxda Al-hijra ku soo biirisay liiska Ururada argagixisada shesheeyaha ah.
Sida ku sugan faqrada 219aad ee qaanuunka socdaalka iyo Jinsiyada waxaa si gaar loogu calaamadeeyay argagixiso caalami ah sida uu dhigaayo amar fuliyeedka nambarkiisu yahay 13,224 faqradiisa hal-B ,Wasaaraddu waxa ay go’aamisay in Al Shabaab ay ku sii jiro liiskaas.
Wasaarada Arrimaha dibada dalka Mareykanka ayaa waxa ay sheegtay in Jameecadda Al-hijra oo 2008-dii ku aasaasan tahay Magaalada madaxda dalka Kenya ee Nairobi ee tahay laanta ama faraca Xarakada Al Shabaab
Al-hijra waxa ay gacan ka geysatay sida bayaanka lagu xusay asgareynta Maleeshiyaadka Al Shabaab ku biiraya,waxaana ay fududeysay in xubnaheedu ay si sahlan ugu socdalaan Soomaaliya si ay ugu qeyb qaatan falal argogixisanimo.
Talaabadan cusub ee Mareykanku qaatay ayaa ujeedada ka dambeysa waxa ay tahay sida uu bayaanku tilmaamayo  in la takooro Ururadaasi iyo xubnaha ku aftirsada,islamarkaana laga horistaago in ay soo gaaran hanaanka maaliyadeed ee Makeykanka iyo gacan uu ka geyso meel marinta sharciga Mareykanka iyo kan dalal kale.
Madaxweynaha Mareykanka Donald trump  ayaa horaantii sanadkan soo saaray amr uu dalal ay Soomaaliya ku jirto dadka ka imaanaya kaga mamnuucayo ay dalka soo galaan, waxaana talaabadaasi uu qiil kaga dhigay mid uu ku dhowrayo nabad-galyada Dalka Mareykanka.