Xidiga kooxda Barcelona ee Lionel Messi ayaa wuxuu muujiyay sida uu ula yaabay qaab ciyaareedka saaxiibkiisa Blaugrana ee reer Spain Sergi Roberto, maadaama uu qeyb ka noqday mid ka mid ah ciyaartoyda ugu fiican ee booskiisa difaaca garabka midig.
Sergi Roberto ayaa la hadlay Radio RAC1 shalayto wuxuuna kaga warbixiyay goolkiisii ugu fiicnaa kulankii ay kula ciyaareen Paris St Germain lugta labaad ee wareega 16-ka tartanka Champions League-ga, kadib markii ay kooxdiisa Blaugrana guul ku gaadhay 6-1.
Dhinaca kale Lionel Messi ayaa wuxuu ku amaanay saaxiibkiis Isbaanishka ah ka dib goolkii uu dhaliyay waqtiga dhimashada ee rajada galiyay kooxda Barcelona kulankii ay mucjisada ku hor sameeyeen kooxda reer France ee Paris St Germain.
Lionel Messi ayaa wuxuu yidhi: “Wuxuu ahaa gool aan la rumeysan Karin oo cajiib ah, waliba waqti fiican, waxaan kuugu hambalyaynayaa Sergi Roberto, heshiis kor dhintaada kooxda, waxaan xusuustaa markii aan ku waydiiyay sida uu ahaa dareenkaaga marka ugu horeesay aad ka ciyaartay booska difaaca garabka midig, waan kuu mahad celinayaa sababtoo ah waxaad iga dhigtay sida aan maanta u noolahay”.
Messi ayaa wuxuu hadalkiisa intaas kusii daray: “Waxaad tahay mid ka mid ah xidigaha ugu wanaagsan difaaca garabka midig ee ugu fiican aduunka, waxaan rajeynayaa inaan sii wadi doonno sanooyin badan, waxaad na siisay waqti cajiib ah oo aan ku noolaan karno, sida ay wax walba u socdaan, waa waxaan la rumeysan karin, wax walba waa ay fiican yihiin”.