Iyadoo caawa ay la ciyaari doonaan Real Madrid kulanka lugta labaad ee semi finalka tartanka Champions League ayaa hadana la xasuusinayaa Bayern Munich ineysan ka gudbin kooxaha reer Spain afartii fasal ciyaareed ee ugu dambeyay.
Miyey sii socon doontaa arintaas? Su’aashaan caawa ayaa jawaab loo heli doonaa marka uu soo dhamaado kulanka xiisaha leh ee ka dhici doona garoonka Santiago Bernabeu.
Jupp Heynckes waxey sanadkii 2014 ku baxeen gacmaha Real Madrid iyadoo markaas uu maamule u yahay Pep Guardiola, waana sanadkii ay Los Blancos hanatay koobkii 10-aad ee Champions League.
Sidoo kale fasalkii xigay waxey semi finalka kula kulmeen Barcelona markaas oo kooxda uu hogaaminayay Luis Enrique ay finalka ku gaartay isla markaana koobkii ku hanatay Berlin.
Sanadkii xigay waxaa koobka ka reebay Atletico Madrid, laba kulan oo xiiso lahaa, walow ay 2-2 kusoo dhamatay ciyaarta isku cel-celis ahaan, balse goolka ay Atletico ku dhaliyeen Allianz ayaa dilay Bavaria.
Sanadkaan waxey lugtii hore qasaaro kala kulmeen Real Madrid kulan ku dhamaaday 2-1, caawana waxaa la sugi doonaa waxa dhici doona.
Kulamadii Ugu Dambeeyay Ee La Reebay:
2014Â Real Madrid-Bayern 1-0 and 4-0 semifinals
2015Â Barcelona-Bayern 3-0 and 2-3 semifinals
2016Â Atletico-Bayern 1-0 and 1-2 semifinals
2017Â Bayern-Real Madrid 1-2 2-1 (2-4 AET) quarterfinal
2018Â Bayern-Real Madrid 1-2 ??? semifinals