War kasoo baxay Hay’adda Nabadsugidda & Sirdoonka Qaranka Soomaaliyeed ee NISA ayaa lagu sheegay in howlgal ka dhan ah ‘AS’ oo ka dhacay deegaanka Yaaqle ee Gobolka Shabeelaha Dhexe Dowlad-Goboleedka Hir-Shabeelle lagu dilay ugu yaraan 19 xubnood.
Warka NISA ayaa intaas lagu daray howlgalkaan uu ahaa mid ciidanka Nabadsugidda ay ka fuliyeen goob qarsoodi ah oo ‘AS’ ku sugnaayeen isla markaana isku uruursanayeen laguna qaarsiiyay khasaaraha intaas la eg waa sida hadalka loo dhigay.
Halkaan ka aqriso warka kasoo baxay Hay’adda NISA:
Dowladda Federaalka Soomaaliya ayaa kordhisay howlgallada ka dhanka ah ‘AS’ ee isugu jira weerarrada lugta ah iyo duqeymaha ay fulinayaan Diyaaradaha Duulliye la’aanta ee intooda badan Maraykanka laga leeyahay.