Faaha faahino dheerad ah ayaa ka soo baxaya qarax gaari oo Caawa ka dhacay Magalada Muqdisho,kaas oo geystay khasaaro dhimasho iyo dhaawac ah.
Qaraxa oo jugtiisa inta badan laga maqlay Magalada Muqdisho ayaa ahaa Gaari laga soo buuxiyey waxyaabaha qaraxa,waxana uu ka dhacay Maqaaxi dhawaan la furey oo ku taalla dhabarka dambe ee Shineema Somalia oo ka soo horjeeda baar Italia ee Isgoyska Shaqaalaha.
weriye yaal halkaasi tegay ayaa waxa ay soo sheegayaan in ilaa iyo hadda dadka ku dhintey qaraxaas ee la xaqiijiyey ay gaarayaan 4 Ruux halka 7 kale ay ku dhaawacmeen.
Majirto cid qaraxaasi lala beegsaday,waxan goobta qaraxa ka dhacay ay aheyd mid dadka badan ay ka kala tageen maadaama Muqdisho uu roob ka da’ayey.
Mas’uuliyiin ka tirsan laamaha amniga ayaa gaarey goobta uu qaraxa ka dhacay,iyaga oo goordhow faah faahin ka bixin doona qaraxa.