Ciidamada Xoogga Dalka iyo kuwa xaq u dirirka dadka deegaanka ayaa maanta jab culus Khawaariijta ku gaarsiiyay howlgallo ay ka fuliyeen deegaano ka tirsan gobolka Shabeellaha Dhexe.
Geesiyada is garabsanaya ayaa weerar ku qaaday goobo argagixisada ay gabaad ka dhiganayeen aagga deegaanka Laba-garas ee Gobolka Shabeellaha Dhexe, waxaana halkaas lagu laayey Horjoogayaal iyo Maleeshiyaad badan.
Ciidamada ayaa burburiyey goobihii ay gabaadka ka dhiganayeen Khawaariijta lagu laayey aagga deegaanka Laba-garas.
Dhinaca kale, Ciidamada Qaranka oo ka hortegay weerar nafla caari ah ayaa maanta Khawaarijta jab culus ku gaarsiiyey duleedka deegaanka Sumadaale ee gobolka Sh/Dhexe, gaadiid ay ka soo buuxiyeen waxyaabaha qarxa ayaa halkaas lagu burburiyay.
Taliyaha Ciidanka Dhulka XDS Janeraal Sahal Cabdullaahi Cumar oo howlgalladaan hoggaaminaya ayaa Warbaahinta Qaranka u sheegay in Khawaarijta jab culus lagu gaarsiiyay dhammaan howlgalladii dhacay.
