War Saxaafadeed ka soo baxay Wasaarada Warfaafinta dowlada federalka ayaa lagu sheegay in illaa 40 xubnood oo ka tirsan Al-Shabaab lagu dilay, tiro kalana lagu dhaawacay howlgal qorshaysan oo ka dhacay deegaanka Cali Fooldheere oo hoos taga degmada Mahadaay ee Gobalka Shabeellaha Dhexe.
Qoraalka ka soo baxay Wasaaradda Warfaafinta ayaa lagu sheegeyay in howlgalka ka dhacay Deegaanka Cali Fooldheere ay si wada jir ah iska kaashadeen Ciidanka Xoogga Dalka, Ciidanka Sirdoonka iyo Nabad Sugida Qaranka iyo saaxiibada caalamiga ah ee Soomaaliya.
