Wasiirka Wasaaradda Deegaanka iyo Isbeddelka Cimilada XFS, Sarreeye Guud Bashiir Maxamed Jaamac ayaa maanta kulan la qaatay Agaasimaha Hay’adda Barnaamijyada Cunnada Adduunka ee Soomaaliya Al-Khidir Daloum, oo ay ka wada hadleen xoojinta wadashaqeynta u adkeysiga cimilada, joogteynta deegaanka, iyo xal u helidda bulshooyinka nugul.
Sidoo kale waxaa kulanka looga hadlay muhiimadda ay leedahay iskaashiga istaraatiijiyadeed ee hirgelinta horumar waara, xoojinta howlaha la qabsiga cimilada, iyo dhisidda adkeysiga caqabadaha cimilada ee Soomaaliya.
